Abbonati subito per rimanere sempre aggiornato sulle ultime notizie
Cronaca

Te Fieste dal Miluç di Tumieç al torne il laboratori di Maman

L’apontament, dedicât ai plui piçui, al sarà curât de ARLeF e condusût di Daria Miani

Chel cun Maman!, in ocasion de fieste dal Miluç di Tumieç, al è un apontament aromai fis pai plui piçui. Ancje chest an duncje, vie pe edizion numar 27 de manifestazion che dai 15 ai 17 di Setembar e animarà la citadine cjargnele, al è in program “Cjantâ e zuiâ cun Maman!”. Il laboratori, curât de ARLeF – Agjenzie regjonâl pe lenghe furlane, al sarà condusût simpri di Daria Miani e si davuelzarà sabide ai 16 di Setembar, aes 15.30, tal tendon che si cjate in place XX settembre. Pai fruts, cheste e sarà la ocasion par cjantâ, zuiâ e cognossi miôr un simbul innomenât de Cjargne: il “gugjet”. Par rispietâ la tradizion po, finîts i zûcs, a ducj i partecipants ur vignarà dât un simpatic regâl.

Chest event al sarà un biel mût par divertîsi cu la lenghe furlane spietant la otave stagjon de innomenade trasmission par fruts, in onde dai 6 di Otubar (ogni vinars aes 18.30) cun tantis novitâts, piçui amîs, une rubriche par zuiâ cul furlan e cul inglês e gnûfs cartons animâts. Il program al propon esperiencis ludichis e educativis adatis ai fruts de scuele materne e primarie e al è propit il stes format, fat di zûc e di didatiche, che al sarà proponût a Tumieç, par un dopomisdì di passâ divertintsi, par furlan!

Maman! al è un program televisîf pe infanzie dut in lenghe furlane. Al è il risultât di une coproduzion de ARLeF e di Telefriuli (canâl 11 dtt). Il format, cetant preseât dai piçui telespetatôrs, al è nassût par jemplâ la mancjance di programs par furlan dedicâts ai plui piçui e par ufrî tal stes timp une trasmission buine di meti in contat fruts e fameis midiant dal plurilinguisim.

Articoli correlati

Poste italiane cerca portalettere

Poste Italiane ricerca in Friuli-Venezia Giulia portalettere da inserire con contratto a tempo determinato. Per candidarsi è sufficiente inserire, entro domenica 26 maggio, il proprio curriculum vitae sulla pagina web del…